ნადარბაზევის ტბა - 07.06.2015

მოგესალმებით ყველას, თანამოაზრეებო! ჩემ გასვლაზე მინდა დავწერო თუ თავი არ შეგაწყინეთ ჩემი „დამწყებობით“. აქ რო ვწერ და გიზიარებთ, ამით ჩემი თევზჭერით მიღებული სიამოვნება საბოლოოდ გვირგვინდება   

მოკლედ სანამ ამ გასვლაზე დავწერდე გეტყვით რომ ერთი გასვლა ჩავაგდე, ვერ დავწერე, ისეთი კრახი იყო ჩემთვის რო აზრებს თავი ვერ მოვუყარე, ეს იყო 23 მაისს „ალიგატორების“ მიერ ჩატარებული ტურნირი ნადარბაზევის ტბაზე, სადაც ძალიან დიდი გამოცდილება მივიღე, ადრენალინის ზღვა ვიგრძენი. ბოლო ნახევარ საათში დაჭერილმა სამმა კარჩხანამ მიხსნა ბოლო ადგილზე გასვლას. საერთო ჯამში 200გრ და მე-9 ადგილი   მიუხედავად ამისა ძალიან ბედნიერი წამოვედი და ველოდები შემდეგ რომელიმე ტურნირს რომელიც კვირა დღეს გაიმართება (შაბათს ვერ ვახერხებ ვერასდროს  )

...ხოდა ამ ყველაფრის შემდეგ ნადარბაზევზე რევანშის სურვილი გამიჩნდა ჩემ თავთან, ხო და აქედან გამომდინარე..:

ნადარბაზევის ტბა - 07.06.2015

ანკესი: Mikado ტესტი 100გრ, 3.9მ.

კოჭა: Okuma safina pro

ძირითადი ძუა: წნული 0.2mm, მწვანე. 20 LB

სადავე:  0.1მმ.  30სმ-20სმ

ნემსკავი: Mikado 10 და ჩინური

საკვებურა: Feedersport 56გრ, Feedersport 28გრ და Feedersport ბულეტი 28გრ,

დასაკვები: „ძირითადი ბაზა“ + ქარხნული საკვები + კოპტონის ფხვნილი + სიმინდის ღერღილი + კონსერვის სიმინდი

სატყუარა: მიწის წითელი ჭია, ბუზის თეთრი მატლი და სიმინდი.

მონტაჟი: პატერნოსტერი და ასიმეტრიული.

როგორც ყოველთვის ამინდი მაშინებდა, კვირას დილით 5 სთ-ზე თბილისში ქარი იყო ვიფიქრე ალბათ ნადარბაზევი მიაქვს ქარს-მეთქი. 7-ის ნახევარზე ადგილზე ვიყავი, ქარი საერთოდ არ იძვროდა მაგრამ წინა ღამის ნაწვიმარი იყო, მზე კარგად კაშკაშებდა. ადმინისტრაციის მარჯვენა მხრიდან წავედი სადღაც შუამდე სადაც ადგილი იყო პრინციპში, უამრავი ხალხი იყო. 

გადამწვანებული იყო იქაურობა, დავბანაკდი არჩეულ ადგილას, ღრმად ჩავისუნთქე სუფთა ჰაერი, მოვავლე თვალი ირგვლივ და მივხვდი რო ბედნიერი წამები, წუთები და საათები მელოდა წინ, ჩავრგე თავი ჩემ ბარგში და დავიწყე გამზადება (საკვების) და გაწყობა (ანკესის). 

7 საათზე დაკვება დავიწყე 50 ამოხვევაზე, 5 სროლის შემდეგ მოვაბი სადავე და დაველოდე შედეგს, ნახევარი საათი ყოველ 5 წუთი ვკვებე. 2 საათი ისე გავიდა საერთოდ ჩარტყმა ვერ ვნახე. იქვე ნაპირთან ახლოს, ბალახებში უამრავი კარჩხანა ფართხალებდა, მივხვდი რო ნაპირზე იქნებოდა თევზი. ამოვახვიე შორიდან და იქვე 10 ამოხვევაზე ჩავაგდე... ძალიან გამეხარდა პირველი ჩარტყმა რო დავინდახე და 5 წუთში პირველი კარჩხანა ჩავაბრძანე შესანახ ბადეში. მონტაჯი მქონდა პატერნოსტერი, საკვებურა 28გრ. სადავე 25სმ, სატყუარა თეთრი და წითელი ჭიის ბუკეტი. ქვივერი მეყენა ყველაზე ლაითი, რადგან კარგად გამეგო წვრილი თევზის ჩარტყმაც (ტურნირზე ეს შეცდომა დავუშვი, რომ ლაითი არ დავაყენე, წვრილ თევზ ვერ ვამჩნევდი) კარჩხანებით ცოტა გავერთე, ახლოში აშკარად წვრილი კარჩხანა იყო. კობრიც მინდოდა მოზრდილი, გადავედი შორ დისტანციაზე, მაგრამ ამაოდ. ისევ ახლოში ვარჩიე გართობა. სატყუარად გავუკეთე სიმინდი ამოვავლე მელასაში და 10 წუთში 400 გრ(სასწორი მაქვს) კობრიც ჩავიგდე ხელთ, ეს იყო პირველი და უკანასკნელი კობრი ამ დღეს. ისევ კარჩხანებით გავერთე ბოლომდე. 

საკვები ახალი გავაკეთე იმ იმედით რო მოზრდილ კობრს შემოვიტყუებდი, ქახნული+ კოპტონი და მელასა, მაგრამ ისევ კარჩხანა აქტიურობდა წვრილი. 

3 საათზე ავბარგდი, საერთო ჯამში 1,5კგ გამომივიდა,  ძალიან ბედნიერი  და დასვენებული ვიყავი, წინა გასვლას ნადარბაზევზე ჩემ თავს ვაჯობე, დრო ძალიან მალე გავიდა, ძალიან მალე!

კობრი დაუბრუნდა ტბას, კარჩხანების ნაწილიც, 5 ცალი წამოვიღე ისიც სახლიდან მითხრეს გვაჩვენე ერთი რას იჭერო   აშკარად სხვა როჯები იყვნენ სახეზე ვიდრე ლისის კარჩხანები, უფრო მომრგვალებული სახე ქონდათ, შეილება ვცდები.

დიდი მადლობა ტბის ადმინისტრაციას ასეთი ადგილის შექმნისთვის, ალბათ მაქაურობას აღარ მოვშორდები, ძალიან კარდაგ დავისვენე.

                                                                                                                                

ეს კი ფოტო სახელწოდებით „საუკეთესო ანტიდეპრესანტი“   

I'll Be Back Nadarbazevi!

ლინკი ფორმუზე: http://sportfishing.ge/forum/