"DEBEDA MASTERS 2016" –14.05.2016

...უძილო ღამის შემდეგ მე და მახო ისევ მივდიოდით დებედასკენ, რა თქმა უნდა სალაპარაკო თემა იგივე. ჩვენ ცოტა ადრე ჩავედით, რადგან სექტორები იყო გასაკეთებელი, ასეც მოვიქეცით, 30 წუთში სექტორებიც მზად იყო და მონაწილე გუნდების უკვე მზად იყვნენ კენჭისყრითვის. დილის 6 საათზე მყუდროებას ვურღვევდით იქაურ მომუშავე პერსონალს ჩვენი ყიჟინით, განსაკუთრებით ერთი კაცი შემეცოდა, რომელსაც ლიფსიტებისთვის ღამე ქონდა გათენებული, (როგორც ცნობილა, მანდ სალიფსიტეა და 24 სთ–იანი ყურადღება უნდა, ძალიან შრომატევადი საქმეა). ერთი სიტყვით შემხვდა ზონა C, სექტორი 16. ადმინისტრაციის მოპირდაპირე მხარეს სადღაც ტბის შუაში.

  

"DEBEDA MASTERS 2016" –14.05.2016

ანკესი: Mikado ტესტი 100გრ, 3.9მ,

ქვივერი:  3 oz (ეს მნიშვნელოვანი პარამეტრია ნებისმიერი თევზჭერის დროს)

კოჭა: Daiwa regal 4000 (ერთი ბრუნი 85 სმ)

ძირითადი ძუა: მონო, 0.26 მმ. Maver, dual band

სადავე: წნული, 0.12 მმ. 10 სმ.

ნემსკავი: Gamakatsu LS 3513 size 8

საკვებურა: პრესტონი 45გრ. ფლეტი

დასაკვები: Carp zoom მარწყვის და თაფლის არომატი

სატყუარა: მიწის წითელი ჭია, ბუზის თეთრი მატლი და სიმინდი.

არომატები: ტუტი–ფრუტი, ვანილი. 

მონტაჟი: ინ–ლაინი

დავაბარგე ჩემი აღჭურვილბა ჩემს სექტორში. გავშალე, მსიამოვნებს, თან ვღიღინებ, მთელი სიამოვნება წინაა. დასაკვები მაქსიმუმ 1 ლიტრი მოვზილე, თაფლის და მარწყვის არომატი 1X1-ზე. როგორც ვარჯიშზე გაირკვა თევზის კენკვა უნდა ყოფილიყო + 80 მეტრიდან. ამიტომ სროლაში კარგად ნავარჯიშები, მახოს დარიგებით, გამოსაკვლევი სიმძიმე ვისროლე 95 ამოხვევაზე (და დავრჩი ბოლომდე ამ დისტანციაზე, თუმცა მქონდა მცდელობა სხვაგანც ჩამეგდო მაგრამ უშედეგონის გამო ისევ ეს მანძილი ვარჩიე).

 დაკვების სტარტზე, მიუხედავად იმისა, რომ ფლეტით ვაპირებდი თევზაობას, მაინც დავკვებე 3 სროლა. სტარზე უკვე „დაინსტალირებული“ მქონდა სადავე ფლეტზე სადაც ნემკავზე 2 სიმინდი ეკეთა. 

ფრიქციონი მოვუშვი, ანკესი მცირე კუთხით მქონდა დადებული, ველოდებოდი ზრიალს, მაგრამ მცირე ცანცარი ქონდა მხოლოდ ქვივერს. პირველი ამოხვევა უშედეგო იყო. 

...მეორე მცირე ცანცარზე უკვე იჯდა 250 გრ კარჩხანა, ცოტა არ იყოს და მეძნელა გამოყვანა, ამიტომ ჩოგან ბადე ვიხმრე. ესეც ერთი. მეორეც მალე მიყვა, მესამეც, სადღაც მე–5 ან მე–6 გამექცდა ჩიგანბადეს შეცურების დროს. ჯამში 2 კარჩხანა გამექცა ახლოს მოყვანილი.

მოზრდილი ეგზემპლარი არ ჩანდა. მის ლოდინში ბევრი რამე ვცადე სატყუარასა თუ დასაკვებზე, მწვანე გუუ, არომატები ტუტი–ფრუტი, ვანილი. ისევ პატარა კარჩხანა. ასევე შევცვალე სატყუარა და წითელი ჭიაყელა დავაყენე, მაგრამ მხოლოდ მორიდებული ციცქვნა მივიღე ჭიის. ამიტომ სიმინდზე მალევე დავბრუნდი.

ჩემს მეზობლად, მარცხნივ მამუკას (იასონას) არ ყავდა სახარბიელო ეგემპლარები, ასევე ჩემს მარჯვნივ მჯდომ მიშოს, თუმცა „რაღაცა“ ძაან დიდი დასვა და ახლოს მოყვანილმა ნემსკავი გაუტეხა ისე რომ ვერც კი დაინახა რა იყო, მისი სიმშვიდე ამ ყველაფრის მერე ჩემში გაკვირვებას იწვევდა, შეიძლება გულის სიღრმეში ბობოქრობდა მაგრამ ყოველ შემთხვევაში ეს არ გამოუხატავს. ამას იმიტომ ვწერ, რომ ეს ყველამ უნდა გაითვალისწინოს, რადგან შინაგანი სიმშვიდე თუ გექნება წამრმატებაც არ დაყოვნებს, ხოოოდაა სულ მალე ისევ დაუწყო ჭიდაობა „რაღაც ძლიერს“ და მალევე ამოიყვანა +3კგ სარკისებრი კობრი. ამასობაში სანამ ამოყავდა მე კიდევ ორი კარჩხანა შევმატე ჩემს თვლას. ასევე ცოტა ხანში, 2 კობრი და 1 სარკისებრი, სამივე დაახლეობით 250 გრ. ფინიშამდე კიდევ დავიჭირე რამოდენიმე კარჩახანა. დიდი ეგზემპლარის გარეშე დავამთავრე ასპარეზობა. არც კი გამკარებია, ვარჯიშიდან განსხვავებით.

დავიჭირე ჯამში 17 თევზი წონით 2885 გრ.  თუ არ ვცდები თევზის ეს რაოდენობა მე მქონდა მხოლოდ. (თუ ვინმეს მეტი ყავდა გთხოვთ დაწეროთ) ამას ჩემი ლოგიკით ვასაბუთებ, რადგან ყველამ ვინც წონით ჩემზე მეტი დაიჭირა ყავდა საალაფო ეგზემპლარიც. 

ჭერის ტემპი: 31 წუთი. (დებედასთვის არაა ცუდი, მაგრამ წვრილი კარჩხანასთვის, რაც მე დავიჭირე ბევრია)

სექტორში გავედი მე–4 ადგილზე. ზურაც მე–4 ადგილზე და მახო გავიდა 1–ლ ადგილზე (!) ჩვენი 9 ქულიანი შედეგით აღმოვჩნდით გუნდურად მე–3 ადგილზე. მაგრამ წონით მეორეზე. თუმცა ამას არანაირი მნიშვნელობა არ აქვს, დებედაზე თამაშდემა, მხოლოდ პირველი ადგილი და დამსახურებულად გამირაჯვეს FishFinder–ებმა, სადაც დიდი წვლილი არტურს მიუძღვის, რომლის სექტორშიც ვიჯექი და პრაკტიკულად უშანსოდ დაგვტოვა ყველა. გილოცავთ კიდევ ერთხელ!

საბოლოო ჯამში ძალინ კმაყოფილი ვარ, მიხაროდა იმ ხალხთან ერთად თევზაობა ვისაც ხოლოდ ეკრანიდან ვიცნობდი, მათ გვერდზე ვიდექი და მათ ემოციებს მეც ვიზიარებდი. ეს ნიშნავდა ჩემს მათ „დიდი ოჯახში“ მიღებას, ძალიან ბევრი რამ ვისწავლე ამ დღეებით, გავიცანი უფრო ახლოს ის ხალხი ვისაც შორიდან პატივს ვცემდი. მადლობა მახოს ასეთი კარგი შანსისთვის, ნამდვილად სასიამოვნოდ გაოცებული ვიყავი ყველაფრით... 

...ტრანსფერი დასრულდა, მეორე დღიდან უკვე ჩემს საკუთარ გუნდთან ერთად ვგეგმავდი ჩემპინატის მეორე ტურზე რას და როგორ გავაკეთებდით, რომელიც იმართებოდა სიონის წყალსაცავზე... 4 ივნისს.

ლინკი ფორმუზე: http://sportfishing.ge/forum/