ლისის ტბა 19.04.2015

მოგესალმებით მეგობრებო, ცოტა ძნელია ტურნირის მერე რამით გაგაკვირვოთ, თუმცა ეს არაა ჩემი მთავარი მიზანი. სამი რამის გამო ვაკეთებ ამას, პირველი და უმთავრესი არის ის, რომ თქვენგან მივიღო შენიშვნები და შესწორებები, სად? რა? როგორ? და რანაირად ჯობდა? ვაკეთებდი თუ არა სწორად “რამეს”? მეორე ის არის, რომ ჩემზე გამოუცდელებმა ნახონ და თეორიული სწავლება მიიღონ, როგორც მე ვისწავლე თქვენგან და კიდე ვსწავლობ, და მესამე გადავხედო ხოლმე ჩემ გასვლებს და დავაკვირდე როგორ „გავიზრდები“ :)

მოკლედ:

ლისის ტბა – 19.04.2015

ანკესი: Mikado ტესტი 100გრ, 3.9მ,

კოჭა: Okuma safina pro (თუმცა მალევე შევცვალე, ამაზე ქვემოთ)

ძირითადი ძუა: წნული 0.2mm, მწვანე. 20 LB

სადავე: 0.16მმ და 0.1მმ . 40სმ-15სმ

ნემსკავი: Gamakatsu 10-12

საკვებურა: Feedersport 56გრ

დასაკვები: „ძირითადი ბაზა“ + კოპტონის ფხვნილი + სიმინდის ღერღილი.

სატყუარა: მიწის წითელი ჭია, ბუზის თეთრი მატლი და სიმინდი.

მონტაჟი: ასიმეტრიული

...როგორც იქნა გათენდა ის დილა რომელსაც ოქტომბრის მერე ველოდებოდი, წინა ღამეს ქარი მაშინებდა მაგრამ დილით კარგი ამინდი იყო, 7 საათზე ლისის ტბის პირას მანქანის საბარგულიდან ჩემ აღჭურვილობას მხრებზე და კისერზე ვიკიდებდი, მარტო ვიყავი და ცოტა გამიჭირდა ადგილამდე მიტანა, ბევრი რამ დამიგროვდა ზამთრის შოპინგების გადამკიდე. მოკლედ, მივედი ადმინისტრაციის მარცხენა მხარეს „კლდეებთან“ ორი ადგილას „კონცხივით“ არის და ერთერთი ავირჩიე, უფრო სწორად ერთი დაკავებული იყო.

დავიწყე ჩემი საკვების მომზადება, ძირითადი ბაზა ასე გამოიყურება, რომელიც სამგორის ბაზარში ერთი კაცი ყიდის და „თევზის საკვებს“ ეძახის: კოპტონი, პერლოვკა, გერკულესი, სიმინდი, ხორბალი, ქერი, სოიო, პრემიქსი, ფშენო და ქატო. ეს ყველაფერი დაფქვლია და საკმაოდ ფხვიერად გამოიყურება (ამასთან დაკავშირებით თქვენი რჩევა მინდა რამდენად ღირს ამდენი ინგრედიენტით მომზადებული საკვების გაკეთება? ) დავუმატე კოპტონის ფხვნილი და სიმინდის ღერღილი ასეთი პროპორციით 1x1x1.

  ანკესი გავამზადე და ჩემს Okuma-ზე დახვეულმა მონო ძუამ მიღალატა, რომელიც შარშანდელია ზამბარასავით იშლებოდა და წვერზე ეხვეოდა, არ გავრისკე ამით სროლა, მეტი ძუაც არ მქონდა და რაც მქონდა ეს იყო წნული რომლითაც თევზაობას არ ვაპირებდი და რომელიც ძველ კოჭაზე მეყენა. ჩემდა უნებურად პირველად ვითევზავე წნულით და საერთოდ სხვა რამაა ფიდერში ვიდრე მონო.

დავიწყე ჩემთვის ახალი ხილით, ფსკერის გამოკვლევით, feedersport-ის 56გრ სიმძიმით, ამის სწავლაც მინდოდა, ავირჩიე მოპირდაპირე მხარეს სამიზნე და ვესროლე ნახევარი ძალით, ალბათ 40 მეტრში ჩავაგდე, დავიწყე გამოჩოჩება და ხელში ვგრძონ რაღაც ბლანტზე მოძრაობას, თავიდან აყოვნებს და მერე ნელნელა მოდის, ეს ალბათ შლამი იყო, 5-ჯერ მაინც გადავაგდე თავიდან მინდოდა კარგად გამეგო რა ხდებოდა ფსკერზე მარა დავრწმუნდი რო შლამი იყო, ამის მიუხედავად მაინც იმ მიმართულებით ვისროლე საკვებურა შლამში, დავკლიფსე რეზინით და დაველოდე მოვლენებს, უკვე 8 საათი იყო ამასობაში, 11 საათამდე საერთოდ არ გამოძრავებულა წითელი ქვივერი. ამ დროის მონაკვეთში ქვივერიც კი შევცვალე მწვანე დავაყენე, ვცვალე სადავეების სიგრძე, ნემსკავები, სატყუარები, (მონტაჟი არ შემიცვლია).

მოკლედ მივხვდი რო რაღაც მეშლებოდა, ამოვახვიე, მოვხსენი საკვებურა, დავაყენე გამოსაკვლევი სიმძიმე და ჩემგან ასე 30 გრადუსით მარჯვნივ ვისროლე, დავკლიფსე და დავიწყე „გამოკვლევა“, ასე 20 ბრუნის მერე ხელში ვიგრძენი ვიბრაცია (ევრიკააა!) ეს ადგილი 3-4 ჯერ გადავამოწმე, დავკლიფსე და საკვებური გადავაგდე რომელზეც მეყენა უკვე 15სმ სადავე და სატყუარა წითელი და თეთრი ჭიის ბუკეტი, დაახლეობით 3 წუთში პირველი რხევა იქრძნო ჩემმა ქვივერმა და 15 წუთში პირველი კარჩხანა ჩემმა ხელებმა Jალბათ 250-300 გრ იქნებოდა. ნახევარ საათში მეორე კარჩხანა, მერე ერთ საათში მესამე, სულ ერთი და იგივე ზომის.

ამდენს იმიტო ვწერ ასეთი აღტაცებით რო ყველაფერი ფსეკერის გამოკვლევის დამსახურებაა და ამის გარეშე არ ჩაივლის არც ერთი ჩემი გასვლა. მოუხედავად ჩემი მწირი შედეგისა მაინც მაგარი კმაყოფილი ვარ.

ეს წინა დღეს დავზვერე.

თანამშრომელმა გადამიღო რომელმაც წინა ღამეს 12 საათზე გადამაგდო და არ წამოვიდა :) მერე ამოისეირნა...

ამ ყველაფერში ყველაზე მეტად ეს მომწონს :)

მაპატიეთ ცოტა დიდი მოხსენება გამომივიდა... :)


ლინკი ფორმუზე: http://sportfishing.ge/forum/