კუმისის ტბა – 23.04.2016 - საქართველოს ეროვნული ჩემპიონატი ფიდერით სპორტულ თევზჭერაში 2016 [ეტაპი 1]

მოგესალმებით, მეგობრებო! სანამ რამეს დავწერ მინდა პირველ რიგში ვთქვა, რომ აქ ჩემი სამყაროა და აქ ისე ვგრძნობ თავს, როგორც თევზი წყალში, ეს ორივე საკითხი თქვენ ყველაზე კარგად იცით.

მოგეხსენებათ, ზამთრის ძილიდან გამოსვლა, როგორ ყველას გვეჩქარებოდა. ეკრანზე თევზაობა,  (ტელევიზორი, კომპი, სმარტფონი), სიზმრებში თევზაობა, დაუსრულebaლyშოპინგები, ყველაფერი ნამდვილი თევზაობის გარდა. მე, რატომღაც, არ ვგეგმავდი ფედერაციაში გაწევრიანებას, ტურნირებზე კი როგორც შევძლებდი იმის მიხედვით გამოვიდოდი. მაგრამ, ჩემი კაპიტნის ენთუზიაზმი ისეთი ძლიერი იყო, რომ ადვილად დამითანხმა ფედერაციის წევრობასა და ტურნირებში გამოსვლაზე, რაზეც, მას დიდი მადლობას ვუხდი!

გუნდი უცბად შეიკრა, ადვილად გავუგეთ ერთმანეთს, დავმეგობრდით. ვცვლიდით ერთმანეთში თეორიებს, გამოცდილელბებს, გვქონდა და გვაქვს გეგმები. დაიგეგმა კუმსზე ვარჯიში ტურნირამდე ორი კვირით ადრე. ეს იყო  ჩემი და ასევე გუნდის პირველი ვარჯიში, გამოვცადეთ ყველაფერი რაც კი აღჭურვილობაში გვქონდა, ჩვენი მიზანი არ ყოფილა ბევრი თევზის დაჭერა, მიზნად გვქონდა გვეპოვა „ის“ რითიც ტურნირზე შევძლებდით რაოდენობრივად მეტი თევზის მოპოვებას. კავაკეთეთ დასკვნები, გამოვრიცხეთ რაღაც–რაღაცეები და მოვემზადეთ ტურნირისთვის.

აიიი! დადგა სანატრელი დღე!

საქართველოს ეროვნული ჩემპიონატი ფიდერით სპორტულ თევზჭერაში 2016 [ეტაპი 1]

კუმისი – 23.04.2016

ანკესი: SALMO Taifun Picker 2.7 ტესტი 10-30გრ, 2.7მ

კოჭა: Okuma safina pro

ძირითადი ძუა: მონო 0.23mm

სადავე: 0.145მმ, 50სმ–60სმ

ნემსკავი: OWNER 50921 – 16 ნომერი

საკვებურა: Feedersport 42გრ, Feedersport 20გრ, VegasFeeder 25გრ

დასაკვები: „ძირითადი ბაზა“ + კოპტონის ფხვნილი + სიმინდის ღერღილი+ საფანელი.

სატყუარა: ნაკელის წითელი ჭია, ბუზის თეთრი მატლი და მატილი

მონტაჟი: ინ–ლაინი

დანაკარგი: 2 სადავე

ჩემ გუნდელებთან ერთად 6:15 სთზე უკვე სანაპირო ზოლს ვათვალიერებდი, ბალახები ბევრ სექტორში იყო, რომელსაც შეეძლო პრობლემები შეექმნა, მაგრამ თავს ვიმშვიდებდი, იმედი მქონდა უბალახო შემხვდებოდა. კენჭის ყრა დაიწყო, სულ ბოლოს მოვიდა ჩვენი ჯერი, C ზონა ისე დაიტვირთა, რომ არ მინდოდა მოხვედრა. გამიმართლა და შემხვდა Aზონა, კიდევ უფრო გამიმართლა და შეხვდა 21 სექტორი, ანუ განაპირა. ეს იყო ზუსტან იმ გორის მარცხნივ სადაც კენჭისყრა ჩატარდა. კიდევ გეტყვით ერთ გამართლებას, იყო სრულიად უბალახო.

სექტორებში შესვლისთანავე დავიწყე საკვების მომზადება, გავაკეთე 2 დასაკვები. ერთი მარტივად, „ძირითად ბაზად“ მქონდა სამგორის ბაზარში ნაყიდი „უნივერსალური საკვები“, რომელშიც ბევრი რამეა არეული, პრემიქსი, სოიო, კოპტონი, პერლოვკა... ამ ყველაფერს დამუმატე სიმინდის ღერღილი+კოპტონის ფხვნილი+საფანელი. პროპორციებით 1X1X1+400 გრ საფანელი, მივიღე ერთი სახის დასაკვები. გავყავი შუაზე, დავამატე სენსასი 3000 სერიის კარასინი, და მივიღე მეორე დასაკვები. სულ ჯამში 8 ლიტრი (ბევრი იყო აშკარად, მაგრამ ჯობია მომრჩეს). სენსასიან დასაკვების გამოყენებას ვაპირებდი თევზის პასიურობის შემთხვევაში.

დარჩენილ დროში, აღჭურვილობა მშვიდად გავშალე, მოვერგე სკამს, დავილაგე ერთი ხელის გაწვდენაზე ყველაფერი რაც მჭირდებოდა. სადავეები მოვიმარჯვე, საკვებურები ჩავამწკრივე, დასაკვები ფეხქვეშ მოხერხებულად გავასწორე, სატყურები თითებზე მივიწებე (ეს ალეგორია იყო ვინმეს სიმართლე არ ეგონოს  ) შესანახი ბადე კარგად გავშალე, ჩოგანბადეც აქვეა, რა იცი რა ხდება,  ყოველი შემთხვევისთვის ერთხელ მარკერის სიმძიმეც გამოვატარე ჩემს წინ, საკვებურა გავტენე, დავხედე საათს 08:45–ია, ყველანაირად ჩავეტიე დროში და 5 წუთიც დამრჩა იმის გასააზრებლად თუ სად ვარ, როგორი სიამოვნება მელის წინს, ვგრძნობ, რომ სწორ გზაზე ვდგავარ, ეს ისაა რაც მინდა, ესაა რაც მავიწყებს ცხოვრების სირთულეებს, სხვა სამყაროა სადაც შეგიძლია მშვიდად იყო.

...08:50 დაკვების სტარტი. პირველი გასროლა საკვებურის, დავკლფსე. ამოვახვიე, 35 ბრუნი. ეს დაახლოებით   15–17 მეტრია. გავუშვი კიდევ 6 feedersport–ის 42 გრ საკვებურა. 5 წუთი სტარტამდე დავასვენე დაკვებილი წერტილი. ეს დრო გამოვიყენე სადავის დასამაგრებლად და სატყუარის გასაკეთებლად. სატყუარად მატილი წამოვაცვი, რადგან ვარჯიშზე მატილს ქონდა დიდი შედეგი, ეს ბუნებრივიცაა. საკვებურა შევცვალე, vegasfeeder 25 გრ. პატარა ზომის.

სტარტი: ღრმად ჩავისუნთქე, ვისროლე, ფსკერამდე სანამ მივიდოდა ცოტა გამოვკარი, საკვები ამოვყარე, რადგან ფსკერი ოდნავ ლამიანია, არ გასულა 15 წამი პირველი ჩაკვრა! ამოვახვიე და არაფერი. ადრე მომივიდა. თავიდან ისევ ეს ყველაფერი და 30 წამში ჩაკვრა, უკვე პირველი კარჩხანა გავუშვი შესანახ ბადეში. მქონდა არარეალიზებადი ჩარტყმები. პირველ საათში მყავდა 12 ცალი, შემდეგ თვლა ამერია.

ვგრძნობდი ტემპი არ მქონდა კარგი, დიდხანს ვუნდებოდი მატილის გაკეთებას (შეცდომა N1), დიდხანს ვუნდებოდი საკვებურის გატენვას (შეცდომა N2)(არც ისე ,მაგრამ დრო მაინც მიაქვს),

ვცადე თეთრი ჭია, გავუკეთე, მაგრამ თუ მატილის კარგად იღებდა და ხშირ შემთხვევაში ყლაპავდა, თეთრს ცოტა მორიდებულად ისრუტავდა. ამიტომ აღარ გავაგრძელე ექპერიმენტები, რაზეც კარგად მოდიოდა ის გავუკეთე! საშინლად დიდი დრო მიქონდა წვრილი მატილის  გაკეთებას.

ტემპი არ დამიკარგავს მთელი ტურის მანძილზე, ჩემ დაკვებილ წერტილში იყო თევზი არ გასულა, მოწონდა დასაკვები, ამიტომ მეორე სენსასი საკვები არ გამომიყენებია. გადაგდებიდან თუ 1 წუთში არ ჩაარტყავდა, 2 წუთში ამომქონდა და ზედ იჯდა „გასუსული“ (ეს სიტყვა  ზუსტად ასახავს ეგეთი თევზის მდგომარეობას) კარჩხანა.

ცარიელი საკვებურა და თეთრი ჭია ისევ ვცადე მაგრამ უშედეგობის გამო მალევე გავეშვი. ვგრძნობდი ტემპი არ მივარგოდა, ამიტომ ბოლო 1 საათი იყო ნერვების გამოცდა, რომელსაც ვთვლი, რომ ჩავაბარე. დავითვალე და ბოლო და 1 საათში დავიჭირე 17 კარჩხანა, აქედან 5 ცალი ბოლო 10 წუთში. ამაში ჩემი ზონის მსაჯი დამეთანხმება რომელიც მიყურებდა და ამბობდა „არ ნებდებაო“.

ფინიში: აი ყველაზე რთული მომენტი! სანამ ჩემამდე მოვიდნენ 2 საათი გავიდა, რადგან 21–ე სექტორში ვიყავი, ბოლოს მიწევდა აწონვა. არც ვიცი რამდენი მყავს, გონზე არ ვარ. სპორტული ინტერესი მკლავს. სიცხე მკიდია!

...ვითვლი თევზს, 50 ცალს რო გადავცდი უკვე აღარ მჯეროდა რო ჩემი იყო, 91 ცალი! წონა 1885 გრ. ამ ციფრებმა ისე გამიფანტეს გონება, რომ ვეღარ მოვაქციე ყურადღება რომელ ადგილზე ვიყავი.

ჭერის ტემპი: 4.6 წუთი.

აღმოჩნდა რომ სექტორში მე–5 ადგილი მაქვს.

ჩემ გუნდელებს, პაატას მე–4 და შალვას მე–15. ჯამში 24 ქულა. გუნდური მე–7 ადგილი. ჩვენი პროგრამა მინიმუმი იყო ექვსეულში მოხვედრა, იგივე 24 ქულა ქონდათ მე–6 ადგილოსნებსაც, რომლებმაც 400 გრ–ით გვაჯობეს. ამ ფაქტმა ისე იმოქმედა ჩვენზე, რომ გვიან მივხვდით თუ რა შედეგსაც მივაღწიეთ. ეს ნამდვილად კარგი შედეგი იყო. გამოცდილ სპორტსმენებს გავუსწორდით ჩვენი შედეგებით. ეს ნამდვილად მონდომების და შემართების დამსახურება იყო.

ახლა ჩვენი ყურადღება სიონისკენა!

ახალი თაობის ფიდერმენები

New Generation Feedermen

გიორგი გოგალაძე

ლინკი ფორმუზე: http://sportfishing.ge/forum/